Kolona anësore — model CV me dy kolona në shqip

I shkon kandidatëve me një listë të gjatë aftësish teknike, mjetesh ose certifikatash, listë që do të zinte gjysmë faqeje po të vendosej në rrjedhë. I shkon edhe roleve ku paraqitja vlerësohet si tregues i kujdesit profesional: arkitekturë, dizajn i brendshëm, kontabilitet i pavarur, konsulencë.

Funksionon shumë mirë kur dokumentin e dërgon drejtpërdrejt me e-mail te një person i caktuar, ose kur e dorëzon të printuar në një takim.

Nuk i shkon aplikimeve që kalojnë nëpër portale të mëdha pune ose nëpër sistemin e brendshëm të një korporate. Nuk i shkon as konkurseve publike, ku formati Europass pritet dhe shiriti me ngjyrë harxhon bojë pa shtuar asnjë informacion.

Për portale të mëdha pune me filtrim automatik, zgjidh një model me një kolonë.

Këtu qëndron dallimi themelor mes dy kolonave dhe njërës. Kur teksti është në një kolonë, rrjedha në skedar përputhet me atë që sheh syri. Kur faqja ka dy kolona, skedari i ruan si dy blloqe të ndara, dhe një parser i vjetër shpesh i bashkon rresht për rresht: rreshti i parë i shiritit ngjitet me rreshtin e parë të kolonës kryesore dhe teksti del i përzier.

Rezultati tipik nuk është dështim i plotë, por gabim i heshtur. Fjala Gjuhët përfundon në mes të një përshkrimi pune, ose emri i një punëdhënësi lidhet me një aftësi. Sistemet e reja e trajtojnë mirë këtë faqosje; ato më të vjetrat, që përdoren ende nga shumë agjenci në rajon, jo. Prandaj vlerësimi mbetet i mesëm dhe këshilla është ta përdorësh kur e di se dokumentin e hap një person.

Shiriti anësor ka vend të natyrshëm për një fotografi në krye, mbi kontaktet. Kjo është faqosja e njohur në Itali dhe në hapësirën gjermanofolëse, ku fotografia pritet. Për tregjet anglosaksone lëre bosh: hapësira mbyllet dhe kontaktet ngjiten lart pa e prishur ekuilibrin e faqes.

Modeli Kolona anësore është një nga modelet e CV-së në shqip, të gjitha me të njëjtin motor eksporti dhe me tekst të vërtetë në PDF. Kur nuk je i sigurt cili të shkon, krahasimin e modeleve krah për krah i vendos ata përballë njëri-tjetrit sipas dendësisë, fotografisë dhe përshtatshmërisë me sistemet e rekrutimit.

Në praktikë ky model përdoret shpesh nga dy profile: shiko si duket i plotësuar te shembulli i CV-së për arkitekt dhe si e shfrytëzon të njëjtën faqosje dosja e një kontabilist.

Ky model bën pjesë te modelet Premium, të cilat hapen me një pagesë të vetme. planin falas dhe atë Premium tregon me emër cilat modele janë falas, çfarë shtohet me Premium dhe pse pagesa nuk është abonim.