Europass klasik — model CV në formatin zyrtar Europass

I shkon kujtdo që dorëzon dosje aty ku vetë formulari është pjesë e vlerësimit: konkurset e administratës publike në Shqipëri dhe Kosovë, aplikimet për njohje diplome, dosjet Erasmus+, projektet e financuara nga Bashkimi Evropian dhe institucionet shëndetësore e arsimore.

I shkon gjithashtu kandidatit në fillim të karrierës, sepse etiketat e fushave i tregojnë hap pas hapi se çfarë pritet të plotësojë. Dhe është modeli i vetëm i saktë kur shpallja shkruan me emër fjalën Europass; në atë rast çdo model tjetër, sado i bukur, është përgjigje e gabuar ndaj një kërkese formale.

Nuk i shkon atij që dërgon një aplikim spontan te një kompani private e vogël, ku etiketat e shumta duken burokratike dhe lexuesi kërkon vetëm dy gjëra: çfarë ke bërë dhe ku. Nuk i shkon as kandidatit me tri vjet përvojë që dëshiron një faqe të vetme, sepse struktura e plotë e shtyn dokumentin drejt dy faqeve edhe kur përmbajtja nuk e kërkon.

Për një kompani private që kërkon një dokument njëfaqësh, modeli modern ose kompakt e thotë të njëjtën gjë me më pak hapësirë.

Një sistem rekrutimi nuk e sheh faqen. Ai lexon rrjedhën e tekstit ashtu si është ruajtur në skedar, nga fillimi në fund, dhe pastaj përpiqet të gjejë etiketa të njohura për të ndarë emrin nga adresa dhe punëdhënësin nga data. Europass klasik ka një kolonë të vetme, pra rrjedha përputhet saktësisht me atë që sheh syri, dhe secila fushë vjen e paraprirë nga etiketa e vet.

Ky është kombinimi më i favorshëm i mundshëm, sepse parseri nuk detyrohet të hamendësojë asgjë. E vetmja tabelë në dokument është rrjeti i gjuhëve, e cila lexohet rresht pas rreshti dhe mbetet e kuptueshme edhe kur shndërrohet në tekst të thjeshtë.

Modeli e lë fotografinë jashtë. Europass-i i sotëm nuk e kërkon dhe shumica e konkurseve publike në Shqipëri e Kosovë e vlerësojnë dosjen mbi bazë pikësh, ku fotografia nuk sjell asnjë pikë. Nëse aplikon në Gjermani, Zvicër ose Itali, ku fotografia ende pritet nga një pjesë e punëdhënësve, modeli Me foto ose Lebenslauf gjerman është zgjedhja e duhur.

Modeli Europass klasik është një nga modelet e CV-së në shqip, të gjitha me të njëjtin motor eksporti dhe me tekst të vërtetë në PDF. Kur nuk je i sigurt cili të shkon, tabelën që krahason modelet mes tyre i vendos ata përballë njëri-tjetrit sipas dendësisë, fotografisë dhe përshtatshmërisë me sistemet e rekrutimit.

Në praktikë ky model përdoret shpesh nga dy profile: shiko si duket i plotësuar te shembulli i CV-së për infermiere dhe si e shfrytëzon të njëjtën faqosje dosja e një mësues.

Ky model është falas dhe mbetet i tillë, pa afat dhe pa kartë. planin falas dhe atë Premium tregon me emër cilat modele janë falas, çfarë shtohet me Premium dhe pse pagesa nuk është abonim.